Caritas Philippines at SACOP: Integrating Compassion and Competence
(Ing Mumunang Dake king Kwentu ning Pamiyubug da ring Talasuyu da ring SACs)
Anyang milabas a 14-18 Agosto 2023, meganap ya ing Advanced Executive Course for the Social Action Directors and Program Coordinators king Tagaytay kapamilatan ning Caritas Philippines Academy (CPhA). Manibat banunag 2016, panimunan ne ning CPhA ing pamipadaluy karing miyaliwang training programs para karing Diocesan Social Action Centers (DSAC) directors at workers. Anting mandate na ning institusyun, ing CPhA tapat ya king kayausan na ban mangasiwa karing training programs bang linangan ing kapasidad at kakayanan da ring DSACs at king kabuuan, ing Pisambang Katoliku keti Pilipinas. Miyatasan ya naman ing CPhA ban maging sisidlan ning pamag-aral at kabiasnan ning Pisamban at ating partikular pamamie pansin king social action ministry.
Anting institusyun a manimuna at mangasiwa king pamiyubug da ring talasuyu da ring SACs, ing maging pundasyun at gabe ning CPhA apin ing turu na ning dating santo papa tamu, i Papa Benedicto XVI, king kayang encyclical letter anyang banuang 2005. King kayang encyclical letter a Deus Caritas Est, nganang sinulat ning dating Santo Papa: “…individuals who care for those in need must first be professionally: they should be properly trained in what to do and how to do it, and committed to continuing care. Consequently, in addition to their necessary professional training, these charity workers need a ‘formation of the heart’”. Inya pin sa, ing pekalayunin ning CPhA apin ing: developing ‘professional social action workers with a heart’.
Para king mesabing Advanced Executive Course, ding makatuki ding dininan ng pansin ampo pamiulaga ning mesabing kursu: Strategic Planning and Implementation, System Thinking and Problem-solving, Ethical Leadership and Team Empowerment, at Sustainable Resource Management. Kapamilatan ning miabieng kursu, maniwala ya ing institusyun na makasaup ya iti karing DSACs ban mas epektibu lang makapakibat king pamangailangan da ring karelang sasakupang komunidad at apalaganap ing hustisya at kapayapan anting susulung at tuturu ning Pisambang Katoliku. Anting pamikasanmetung ning SACOP king CPhA at kambe ning panwalan a makaabie yang maragul a saup ing kursu para karing talasuyu ning kekatamung apostoladu, pedala at mekiabe la king pamag-aral ding aduang officers ning SACOP, ila ri: Anthony Lyndon Dizon (Livelihood Development Officer) at Efren Galang (Physical Properties Officer).
Para king megawang metodolohiya, makapalub king kursu ring miyaliwang interactive lectures, case studies, group discussions, practical exercises, at learning visit. Kapamilatan da rening miyaliwang aktibidades, asiguru na magi yang makengganyu at mikamaragul yang saup at epektu ing karanasan a iti karing tinagun. Para king learning visit, bukud tangi yang mepili ing SACOP at mekonsidera anting metung a established at well-organized social action center. Uli na niti, matula at pagmaragul ning SACOP na meging mabie yang patutu king tapat nang kayausan king pamamakibat karing aklis da ring pakakalulu at mangailangan. Megi yang tune at tapat king kayang misyun: ing MANATAD KANAWAN.
*King tutuking issue ning Amare et Servire, midake ya ing kwentu king meging karanasan king meganap a Learning Visit king SACOP.
