Milablab ing Kasalpantayanan, Isundu ing Pamagmisyun
King pamagselebra king ika-500 banua na ning Kristiyanismo keti Pilipinas, megplanu ya ing arkiodiosesis a ganapan ya ing Mission Assembly anting pamakisanmetung king pamagtagulaling ning Catholic Bishops’ Conference of the Philippines (CBCP) king banuang 2021 anting banua na ning Missio ad Gentes: Becoming Jesus’ Missionary Disciples. Maglayun na kapamilatan ning Mission Assembly migising at kongkretung mipasyag ing sigasig at sigla king pamagmisyun o missionary zeal king balang talasalpantaya – laiko at pari o relihiyoso man. Makanyan mu rin, king pangagising ning missionary zeal ning balang talasalpantaya, apin ing misubung karelang gawang kongkretung pakibat na magpauaga na mabie at angkup yang makibat ing Santa Iglesya king pamangailangan da ring sabla lalung lalu na ring ausan dang “unchurched” o ding “ali suki”.
Mepitna ya king apat a parti ing Mission Assembly. Apin ding makatuki: Mayakit, Migising, Mitamba, at Milablab. Meganap ya ing Mayakit, ing mumunang parti, kapamilatan ning tuki-tuking aktibidades a magsulung king pamipaulaga karing siyam (9) a banuang pamagsadya painturu king Missio ad Gentes. Sinelebra ya iti kanitang Setyembri 8 anggang November 14, 2021. Ing kaduang parti, ing Migising, meganap ya anyang Nobyembri 13, 2021 kapamilatan ning metung a (hybrid) pamitipun a nung nukarin physical lang mitipun ding liders da ring balang parokya king karelang sara-saraling parokya at mekisanmentung king aktibidad virtually. Layun na ning pamitipun na maging mulat la ding megsitagun karing miyaliwang missionary realities a mituganan kapamilatan ning kekatamung Arkidiosesis. At ing katlu, apin ing Mitamban. Makapalub ya ing Mitamban king kekatamung pre-synodal journey anting pamagsadia king Synod on Synodality.
Anting pamupus king Mission Assembly – a mipapasiag king kapagnasan tamung pakibaluan ding missionary realities at munie inspirasyun kekatamu ban maging mas mayap a disipulu nang Kristo , meganap ya ing Milablab anyang Nobyembri 19, 2022 king Good Shepherd Hall, EPHATHA Development Center king SACOP. Kalupa ning pekalayunin ning Mission Assembly, maglayun ya ing pamitipun na gisingan ing missionary zeal ban makapakibat king kongkretung paralan king panagkat king pamagmisyun. Kapamilatan ning Circular Letter 41, mekumbira la ding balang parokya a padalang atlu (3) representatives ban makisanmetung king mesabing pamitipun. Makanyan mu rin, para karing ali makatagun, maliari lang mag-organisa ding parokyano king karelang parokya uling mipalabas ya ing Assembly king Facebook at karing miyaliwang social media platforms.
Anting meplanu, matagumpe yang meganap ing Mission Assembly. Para karing megsitagun at mekisanmetung king pamitipun, ating kabuuang 254 a laiko ibat karing 61 a parokya. Makanyan mu rin atin a 10 a miyembru ning kaparian a mekiabe. Para king daluy ning programa, ding tinalakad anting emcee apin di Rev. Fr. Justin Gatus at I Sr. Antonette Lumban, OP. Kapamilatan da meging masigla ya ing pamipadaluy king programa. Ban aduan ing saup ning Banal a Espiritu bayu ing pamagumpisa king programa, penimunan neng Rev. Fr. Francis Dizon ing Panalangin para sa Sinodo. Para king opening remarks, minapse yang mapilan a amanu ing kekatamung Arsobispo. King keyang dinake, pekatimid na ing responsibilidad na ning balang talasalpantaya king aus king pamagmisyun at makanyan mu rin ing ulaga ning pamagmisyun king bie tamu anting bininyagan. At ing susi para king aus ning misyun, apin ing ausang missionary zeal. Makanyan mu rin anting panumpisa, dinake at peliwanag neng Rev. Fr. Kenneth Alde ing Rationale ning pamitipun. Kaniting parti, kinwentu at peliwanag neng Fr. Alde ing meging planu at pamagsadia para king Milablab Assembly.
Para king mumunang dake na ning program, meganap ya ing mumunang panel discussion. Ding linukluk a panelist para king mumunang discussion apin di: Arsobispo Florentino “Dong” Lavarias, Rev. Fr. Kenneth Alde, at Rev. Fr. Francis Dizon. Bayu ing discussion, mipalabas ya pa ing metung a pre-recorded video patungkul king Archdiocesan Integrated Pastoral Program (AIPP) 5 at king meging pamaglakbe tamu anting metung a arkidiosesis bayu ta miras king kasalukuyang pastoral plan. Kaybat na niting mipalabas, megmula na ing discussion kapamilatan ning pamidake dang pamigunam ding panelist karing makatuking kutang:Naging tunay ba tayong simbahan ng maralita? Ano na nga ba ang mga nagawa natin upang tunay tayong maging simbahang maralita? Metung karing meging highlight king pamidake apin ing kwentu na ning meging programa para karing kalulu ning Immaculate Conception Parish, Balibago, Angeles City. Makanyan mu rin, pinresenta neng Fr. Alde ing resulta na ning AIPP 5 Mid-Program Evaluation ibat karing parokyang mekibat king questionnaire. Kayari da ring mumunang kutang, midake la pasibayung pamigunam ding panelists karing makatuking kutang: Ano ang itinuro ng pandemya sa akin? Paano naisabuhay ang pagmimisyon sa panahon ng pandemya? At kayari ning mumunang dake ning panel discussion, mig-grupo la ding participants agpang king vicariatung kabibilangan da at mika-group sharing la.
Kayari ing paugtuan, meganap ya ing kaduang dake na ning programa. Para kaniti, ding linukluk a panelists apin ila di: Arsobispo Florentino “Dong” Lavarias, Ms. Belina Katigbak, Dr. Arnel Sicat, at Mr. Banjo Serrano. Bayu ing panel discussion, mipalabas ya ing pre-recorded video patungkul king Mission Assembly. Kayari na niti, midake lang pamigunam ding panelists agpang karing makatuking kutang: Paano ako magiging regalo sa aking kapwa? Sa anong paraan tayo tinatawag nito na tumugon sa misyon? Kayari ning makuyad a discussion, mipalabas ya ing pre-recorded video patungkul king synodal journey na ning arkidiosesis. Kayari pekibatan la ding makatuking kutang: Ano ang hindi mo malilimutang karanasan sa synodal journey? Ano ang mas ginising sa akin ng sinodong ito? At anting pamupus ning kaduang dake na ning programa, mika-group sharing la pasibayu ding participants at pekibatan da la ring makatuking kutang: Ano-ano ang konkretong paanyaya at gagawin natin bilang tugon natin sa misyon?
Mepupus ya ing pamitipun kapamilatan ning Misa para king Solemnidad ning Kristong Ari a penimunan na ning lubos kagalang-galang, Arsobispo Florentino Lavarias. King keyang homily, pekatimid na ning Arsobispo na ing ulaga ning pamagserbisyu at pamagmisyun lalung lalu na karing kapatad a pakakalulu apin ing pauaga ning mesabing solemnidad. Inya pin, kalupa ning tema, mayayagkat la ring sabla na: Manatad kang Kanauan, Balayan a Mipanuanan!
