Ing Mayap A Balita – Amare et Servire, May 2023

Bukud namung Kaya (Ginung Malugud at Mapamakalulu)

Metung a Kwentu ning Misaupan at Mipasiknangan kapamilatan ning Financial Assistance Program ning Apostoladu

Ing epektu na ning pandemyang COVID-19 karing komunidad ampon pamilya lagpus ya pa king palak tamung aisip. Alang dudang migdala yang maragul a kasakitan lalung lalu na karing kekatamung pamilya, sarili, ampon king kekatamung ekonomiya.

Metung karing talagang mekaranas at mituran king epektu ning pandemya apin ing pamilya nang Mrs. Jenny Bagang. Makibandi yang sari-sari store king Barangay San Isidro king siyudad ning San Fernando. Meging mabunga ya ing kayang tindahan pauli na ning Financial Assistance Program ning Livelihood Development Services Unit (LDSU) ning SACOP king banuang 2016 angga na king kasalukuyan. Mika-masanting yang reputasyun pauli na ning masalese na lang agagampanan ring kayang responsibilidad king programang iti, kalupa ning loan payment at loan renewal.

Meging masalese ing pulayi ning kayang negosyu dapot dinatang ya ing pandemya. Maragul ing kasakitan a delanan ning kayang negosyu pauli na ning lockdown. Agpang king kayang karanasan, maragul ing ali ra ikwang panakitan pauli na ning pandemya.

Dapot ing pekamaragul a pagsubok a karelang denasan, apin ya ing pangamate ning asawa na, I Mr. Ferdinand Bagang. Meangu ya bie pauli na ning cardio-respiratory arrest pauli na ning malungkut at mabayat a karelang pigdalanan, inyang minarap yang kapagsubukan at kalungkutan i Mrs. Jenny Bagang. Dagdag pa keti, migkasakit ya namang manakit kapanakitan pauli na ning pandemya. Dapot sumangid da reting mangasakit a karanasan, ing kasalpantayanan na king Ginu yang mamie kapanayan kaya. King kabilugan ning karanasan na kaniting pandemya, matibe nang panaligan ing Ginu yang kayabe na karing sablang pigdalanan na.

King kamatutwanan, alang metung man kekatamu ing makaiwas king kasakitan ning bie. Dapot, antimong talasalpantaya, paniwalan tamu a ing Ginu, migit ya at mas maragul ya kaysa karing kekatamung kasakitan king bie.

Ing Financial Assistance Program lalam ning Livelihood Development Services Unit (LDSU) ning SACOP midadake yang kasaupan karing pakakalulu at mangailangan tamung kapatad kapamilatan ning karelang micro-finance loan. Para karing interesadu, malyari lang makipag-ugnayan: Mrs. Nards M. Reyes (0942-607-6951) / Mr. Anthony Lyndon C. Dizon (0932-857-2728)

 

Leave a comment

Your email address will not be published. Required fields are marked *